DW-World.de
Deutsche Welle

Уставниот суд на Тајланд ја забрани работата на владејачката партија во земјата поради изборна измама. Спорниот премиер Сомчаи Вонгсават мора да ја напушти функцијата. Тој како и 30 други партиски функционери во наредните 5 години не смее да презема никаква политичка функција, одлучи судот. Партијата на народната моќ беше обвинета за манипулации за време на парламентарните избори во декември 2007-ма година. Пресудата би можела да ги заостри тензиите во Тајланд , каде што припадниците на опозицијата  со месеци бараат оставка на Сомчаи и од минатата недела ги блокираат двата аеродроми во главниот град Бангкок.